شفائے الملک اور طبیب اعظم حکیم محمد حسن قرشی ؒ
شفائے الملک اور طبیب اعظم حکیم محمد حسن قرشی 1886ء میں مولانا قاضی فضل الدین کے ہاں گجرات شہر میں پیدا ہوئے۔آپ ابھی چار سال کے تھے کہ برصغیر پاک وہند کے مشہور ولی کامل حضرت پیر مہر علی شاہ ؒ گجرات تشریف لائے۔ وہ آپؒ کے والد کے گہر ے دوستوں میں شامل تھے، بہت بڑے صوفی ہونے کے باوجود وہ جلیل القدر عالم بھی تھے۔ انہوں نے ننھے محمد حسن ؒ کو اپنی گود میں لے کر دُعا کی اور اپنے لطف و کرم سے نوازا۔آپؒ کے والد کی وفات کے بعد حضرت قاضی سلطان محمود آوان شریف آپ ؒ کے سرپرست بنے۔ انہوں نے آپؒ پر نوازشات کی بارش کردی، وہ آپؒ کے لئے ہمیشہ دُعا گو رہے۔مشہور پیر جماعت علی شاہ محدث علی پوری ؒ اپنے دور میں ارباب تصوف میں یگانہ حیثیت کے حامل تھے۔ وہ بھی آپ ؒکے والد کے دوستوں میں شامل تھے۔محمد حسن جب ان سے ملتے تو وہ بے حد شفقت اور محبت سے نوازتے اور آپؒ کے لئے بڑے اہتمام سے دعاکیا کرتے۔قاضی فضل الدین کے یہی فرزند آگے چل کے شفائے الملک اور طبیب اعظم کہلائے۔ محمد حسن ؒ نے ابتدائی تعلیم گجرات میں حاصل کی۔ بعدازاں آپؒ لاہور تشریف لے آئے اور اسلامیہ کالج میں داخل ہو گئے۔اسی دوران جنگ طرابلس کے مسلمانوں کے لئے چندہ جمع کرنے کی پاداش میں انگریز پرنسپل نے آپؒ کو اپنے کالج سے نکال دیا۔ چنانچہ آپ ایک بار پھر گجرات واپس آگئے۔ بعد ازاں شعبہ طب میں دلچسپی انہیں دہلی لے گئی۔ وہاں سے فارغ التحصیل ہونے کے بعد آپؒ نے طبیہ کالج دہلی میں تدریسی فرائض سنبھال لئے اور طب اسلامی کو پھیلانے کے لئے اہم کردار ادا کرنے لگے۔کچھ عرصہ بعد بمبئی میں قیام کرنے کے........
© Daily Pakistan (Urdu)
visit website