ہمارے ہاں گڈ گورننس کی بات تو بہت کی جاتی ہے لیکن کبھی کسی نے غور کیا،گڈ گورننس دراصل ہے کیا؟ اس کے پیرامیٹرز کیا ہیں؟ یعنی کہاں سے کہاں تک گڈ گورننس ہوتی ہے اور بیڈ گورننس کا آغاز کیسے اور کہاں سے ہوتا ہے؟ گڈ گورننس کا تعلق پیش بینی،کھلے پن اور روشن خیال پالیسی سازی سے ہوتا ہے۔ پیشہ ورانہ اخلاقیات سے لیس بیوروکریسی اپنے اقدامات اور پالیسیوں کے لئے جواب دہ انتظامیہ،عوامی معاملات میں حصہ لینے والی ایک مضبوط سول سوسائٹی اور سب سے بڑھ کر قانون کی حکمرانی، یہ سبھی گڈ گورننس کے ماخذ ہیں،گڈ گورننس کا مطلب کسی ملک کے سماجی اور معاشی وسائل کی اس انداز میں مؤثر انتظام کاری ہے جو کھلی، شفاف، جوابدہی پر مبنی اور منصفانہ ہو۔ بیورو کریسی کو حکمرانی کے سب سے طاقتور آلات میں سے ایک سمجھا جاتا ہے، اس کے ذریعے ہی عوامی پالیسیوں کو شکل دی جاتی ہے اور ان پر عملدرآمد بھی ہوتا ہے، اس لئے اچھی حکمرانی کے لئے لامحالہ ملک میں مؤثر بیوروکریسی کی ضرورت ہوتی ہے۔

ذرا سوچئے، قومی سطح پر گورننس کے حوالے سے ماضی کے ایوب خان اور ذوالفقار علی بھٹو کے ادوار جبکہ پاکستان میں پنجاب کے چند وزرائے اعلیٰ کے دورِ حکومت کو ہی کیوں یاد کیا جاتا ہے؟ کسی اور دور کو کیوں یاد نہیں کیا جاتا؟ وجہ ایک ہی ہے گڈ گورننس اور عوام کی توقعات پرپورا اترنا۔ کچھ نہ کچھ ہوتا نظر آنا چاہئے، جمود کسی کو پسند نہیں، عوام نے انہی ادوار کو پسند کیا، جن میں انہیں کچھ ہوتا نظر آیا اور یہ اسی وقت نظر آتا ہے جب حکمران اور بیوروکریسی ایک پیج پر ہوں۔

حکومت یا حکمران اگر بیوروکریسی پر قدغن لگائے گا، اسے کام کرنے کی آزادی نہ دی جائے، اس سے ایسے........

© Daily Pakistan (Urdu)