ٹیکنیکل ایجوکیشن اینڈ ووکیشنل ٹریننگ اتھارٹی (TEVTA) پنجاب ایک ایسا سرکاری نظریہ ہے جو کم وقت میں زیادہ سے زیادہ نوجوانوں کو قابل روزگار ہنر سے آراستہ کر سکتا ہے۔ 1999ء سے تخلیق کردہ یہ اتھارٹی دیگر کئی سرکاری اداروں سے بہتر انداز میں کارکردگی دکھا رہا ہے سرکاری وسائل کے بہتر سے بہتر استعمال کے ذریعے ہنرمندی کے فروغ میں مصروف ٹیوٹا صوبے کی معاشی تعمیر و ترقی کا ایک اہم عامل ہے جس سے بہتر ہی نہیں،بلکہ بہترین کار کردگی کی توقع کی جاتی ہے اور بجا طور پر یہ ادارہ قوم کی ایسی امیدوں پر نہ صرف پورا اترنے کی صلاحیت رکھتا ہے،بلکہ اس کا ماضی اس کی کار کردگی کی دلیل بھی ہے۔ اس ادارے کی سربراہی کئی ایک لائق فائق ریٹائرڈ اور حاضر سروس بیورو کریٹ بھی کرتے آئے ہیں، جن میں خالد محمود سابق فیڈرل سیکرٹری و چیئرمین پی سی بی، اور سعید علوی مرحوم جیسے قابل اور نابغہ روزگار قسم کے سرکاری افسران بھی شامل رہے ہیں اور نجی شعبے کے بڑے نامور عرفان قیصر شیخ مرحوم، سکندر مصطفی جیسے صنعت کار بھی اس شعبے کی سربراہی کرتے رہے ہیں علی سلمان صدیق جیسے اعلیٰ فکرونظر کے حامل جوشیلے نوجوان بھی ماضی قریب میں اس ادارے کی تعمیر و ترقی میں نہ صرف حصہ لیتے رہے ہیں،بلکہ ادارے کو جدید تقاضوں سے ہم آہنگ کرنے میں بھی اپنا نام اور مقام پیدا کر چکے ہیں۔ویسے ان کے علاوہ بھی کئی ایک افراد اس ادارے کی تعمیرو ترقی میں حصہ لیتے رہے ہیں، لیکن آج ایک خاص وجہ سے عارف سعید یاد آرہے ہیں........

© Daily Pakistan (Urdu)