وزیراعلیٰ پنجاب کاعہدہ سنبھالنے پر دلی مبارک باد قبول فرمائیں۔بیشک یہ عہدہ بے حساب اختیار اور طاقت بھی فراہم کرتا ہے لیکن یہی عہدہ بہت بڑی آزمائش بھی ہے۔اس عہدہ جلیلہ پر کتنے ہی لوگ فائز ہوئے اور کتنے ہی ماضی کی گمنام تاریخ میں کھو گئے لیکن چند ایک نام اب بھی لوگوں کے ذہنوں میں محفوظ ہیں ان میں نواز شریف، شہبازشریف اور محسن نقوی کے نام ہمیشہ روشن ستاروں کی طرح صوبہ پنجاب کی فضاؤں میں چمکتے اور دمکتے رہیں گے۔آپ کے ابتدائی دنوں کے بیانات اور اقدامات کو دیکھتے ہوئے یقین سے کہا جا سکتا ہے کہ اگر آپ نے خلوص دل سے اپنے غربت مکاؤ پروگرام کو جاری و ساری رکھا تو آپ کا نام بھی نہ صرف پنجاب بلکہ مستقبل قریب میں وفاقی سطح پر بھی فخر سے لیاجائے گا۔ خد ا کسی کی محنت اور خلوص کو ضائع نہیں کرتا۔ سب سے پہلے میں صحت کارڈ کے دوبارہ اجرا کے حوالے سے چند تجاویز آپ کے گوش گزار کرنا چاہتا ہوں۔صحت کارڈ کی سب سے زیادہ ضرورت ان عمررسیدہ خواتین و حضرات کو پڑتی ہے جو 60سال سے زائد عمر کو پہنچ جاتے ہیں۔یہ بات کسی سے بھی ڈھکی چھپی نہیں کہ پنشن صرف دس فیصد سرکاری ملازمین کو ملتی ہے جن کے بارے کہا جاتا ہے کہ وہ کام نہ کرنے کی تنخواہ لیتے ہیں اور کام کرنے کے عوض رشوت مانگتے ہیں۔بدقسمتی سے صرف انہی کو ریٹائرمنٹ کے بعدلاکھوں روپے پنشن کی شکل میں غریب عوام کے ٹیکسوں سے نکال کر دیئے جاتے ہیں،حالانکہ پنشن کے مستحق 60 سال سے زائد عمر کا ہر وہ عمررسیدہ عورت اور مرد ہے، جنہیں کہیں سے بھی ایک روپے کا مالی سہارا نہیں ملتا۔

مختصربات یہ ہے کہ صوبہ پنجاب کی حدود میں جتنے بھی 60سے زائد عمر کے مرد اور خواتین زندہ ہیں انہیں حکومت پنجاب کی جانب سے نہ........

© Daily Pakistan (Urdu)