شبِ برات خاموشی سے گزر جانے پر خیال آیا تھا کہ اِس تہوار کے تمدنی حوالوں میں اب شاید پہلی سی گرمجوشی نہیں رہی۔ ہمارے بچپن میں ’شبرات‘ پاکستانی مسلمانوں کے سواد ِ اعظم کے لئے حلوہ خوری اور پٹاخے چلانے کا تہوار تھا۔ ابتداء چچڑوں سے ہوتی اور انتہا شُرلی،مہتابی اور انار پر۔ پھر آتش بازی نے جن ہولناک حادثوں کو جنم دیا، اُن کے بعد آگ کے اِس کھیل سے گریز ہی بہتر سمجھا گیا۔ ہاں، حلوے سے اجتناب کے رویے میں اُن علمائے کرام کی سخت گیری کو بھی دخل ہو گا جنہیں عوام الناس کی ہر روحانی تفریح کے پیچھے کوئی نہ کوئی ’سازش ِ عجم‘ ضرور دکھائی دیتی ہے۔ جیسا کہ پچھلے کالم میں بھی ذکر ہوا، ماہِ رمضان کی افطاریاں اِس اصول سے مبرا ہیں اور اُن کی برکتوں میں بڑھتی ہوئی مہنگائی کے باوجود ہر سال اضافہ ہوتا جا رہا ہے۔

سچ پوچھیں تو قومی شناخت کے جو پیرائے آزاد پاکستان میں ہمارے لئے بتدریج نمایاں طور پر اہم ہو گئے اُن میں رمضان المبارک میں فکر و ذکر کے اجتماعات اور شبینہ کی محافل بلا شبہ شامل ہیں۔ ساتھ ہی افطار پارٹیاں، پھر عید شاپنگ، چاند رات، عید ملن اور خوشدلی کے کئی اور سلسلے جو عبادات کی ذیل میں نہیں آتے۔ جب بھی اِن انسانی پہلوؤں کے حق میں آج کے نوجوانوں کے نقطہء نظر سے سوچتا ہوں تو دس سال پہلے ایک بزرگ کی ڈانٹ یاد آنے لگتی ہے: ’نماز اس لئے پڑھئیے کہ اللہ کا حکم ہے۔ آپ اِس میں چسکے تلاش کرتے ہیں۔“ یہ فرمان سر آنکھوں پر۔ نماز صرف اللہ کے لئے پڑھی جاتی ہے۔ اسی طرح روزہ بھی اللہ کا حکم سمجھ کر ہی رکھا جاتا ہے اور اس کے........

© Daily Pakistan (Urdu)