پولیس کے لئے سخت وارننگ
مبینہ دھاندلی کے خلاف پاکستان تحریک انصاف کی جانب سے ہفتہ کو ملک بھر کی طرح لاہور میں بھی احتجاجی ریلیاں نکالی گئیں۔پی ٹی آئی نے پنجاب میں 30 سے زائد مقامات پر احتجاج کا اعلان کیا تھا۔ لاہور ہائی کورٹ کے سامنے جی پی او چوک پر احتجاج کرنے والے مظاہرین ریلیوں کی شکل میں جمع ہو رہے تھے۔اس موقع پر پولیس کی بھاری نفری تعینات تھی جبکہ شہر میں دفعہ 144 نافذ کی گئی تھی۔ جی پی او چوک کے علاوہ جیل روڈ اور پنجاب اسمبلی کے باہر بھی اضافی نفری تعینات تھی۔جی پی او چوک پر کم سے کم تین قیدی وینز اور واٹر کیننز بھی موجود رہیں، پولیس افسران کو احکامات دیے گئے تھے کہ جو کوئی بھی احتجاج کے لیے سڑکوں پر آئے اور راستہ بند کرنے کی کوشش کرے اسے گرفتار کرلیا جائے۔پی ٹی آئی کی جانب سے اعلان کیا گیا تھا کہ انتخابات میں مبینہ دھاندلی کے خلاف ان کی جماعت کے کارکن ہفتہ کو ملک بھر میں احتجاج کریں گے۔پی ٹی آئی کے ایکس اکاؤنٹ سے شیئر کیے گئے پیغام میں کارکنوں کو ہدایت کی گئی تھی کہ وہ اپنے حلقوں میں پرامن احتجاج کے ذریعے اپنا حق واپس مانگیں۔ لاہور جی پی او چوک پر پولیس پہلے سے موجود تھی، تاہم جب ڈی آئی جی آپریشنز لاہور علی ناصر رضوی جی پی او چوک پہنچے تو انہیں دیکھ کر پولیس اہلکاروں نے نعرے لگائے۔ناصر رضوی نے پولیس اہلکاروں سے خطاب کرتے ہوئے کہا کہ کچھ بھی ہو جائے لوگوں کی جان، مال اور عزت کے ساتھ کھیلنے نہیں دینا، املاک کو نقصان نہیں پہنچانے دینا، کوئی پولیس کے مقدس یونیفارم پر ہاتھ ڈالے گا تو کارروائی ہو گی۔اس کے بعد پنجاب پولیس کے اہلکاروں اور افسران نے احتجاج کرنے والے پی ٹی........
© Daily Pakistan (Urdu)
visit website