کیا ہمارے ہاں ڈاکٹر روتھ گوٹس مین جیسا کوئی ہے؟
نیو یارک کے آئن سٹائن کالج آف میڈیسن کا مرکزی ہال طلبہ و طالبات، ڈاکٹروں اور والدین سے بھرا ہوا تھا، کسی کو کچھ معلوم نہیں تھا آج وہاں کیا اعلان ہونے والا ہے، سب کو ایک خصوصی تقریب کے نام پر بلایا گیا تھا۔ میڈیسن کی تعلیم کے حوالے سے یہ امریکہ میں صف ِ اول کا ادارہ ہے اس کے سات ایجوکیشنل پروگرام میں۔ میڈیسن میں ایم ڈی،پی ایچ ڈی، پوسٹ ڈاکٹریٹ اور دیگر اعلیٰ ڈگریاں دی جاتی ہیں اس کے اساتذہ کی تعداد دو ہزار سے زیادہ ہے اور طلبہ و طالبات کئی ہزار ہیں،15مارچ 1953ءمیں قائم ہونے والے اس نجی سیکٹر کے تعلیمی ادارے کی فیس بہت زیادہ ہے، صرف یہی نہیں بلکہ اس میں داخلے کا معیار بھی بہت کڑاہے اور میرٹ بہت زیادہ ہوتا ہے،اگرچہ ادارے کی طرف سے سکالر شپس بھی دیئے جاتے ہیں تاہم زیادہ تر طالب علموں کو اس کی بھاری فیس خود ادا کرنی پڑتی ہے۔امریکہ میں طبی ریسرچ اور جدید علاج کے حوالے سے نئے کورسز کو سب سے پہلے اِسی میڈیسن کالج میں متعارف کرایا جاتا ہے،اس ادارے سے فارغ التحصیل ہونے والے ڈاکٹرز کی نہ صرف امریکہ بلکہ پوری دنیا میں سب سے زیادہ مانگ ہے اور انہیں تنخواہیں بھی عام سکیل سے زیادہ دی جاتی ہیں،میڈیسن کی تعلیم کے خواہشمند کسی بھی طالب علم کے لئے اس کالج میں داخلہ ایک خواب ہے جو دو وجوہات کی بناءپر مشکل سے پورا ہوتا ہے ایک داخلے کا کڑا معیار اور دوسرا بھاری فیس،لیکن پھر بھی دنیا بھر کے طالب علموں کی پہلی ترجیح اور امریکی نوجوانوں کا پہلا خوب آئن سٹائن کالج اور میڈیسن میں داخلہ ہی ہوتا ہے۔
متحدہ قومی موومنٹ کا سینیٹ کے ضمنی انتخابات میں حصہ نہ لینے کا فیصلہپچھلے ہفتے........
© Daily Pakistan (Urdu)
visit website