پاکستان اِس وقت سیاسی مسائل میں تو گھرا ہوا ہے تاہم کچھ دیگر مسائل بھی ہیں جن کی طرف توجہ دینے کی ضرورت ہے۔ اِس سلسلے میں یونیورسٹیاں اہم کردار ادا کر سکتی ہیں اِسی حوالے سے شعبہ اردو بہاؤ الدین زکریا یونیورسٹی ملتان نے ایک روزہ اہم سیمینار کا انعقاد کیا، جس کا موضوع ”معاصر ماحولیاتی و ثقافتی بحران اور اردو ادب“ تھا۔بظاہر یہ ایک اجنبی موضوع لگتا ہے کہ اردو ادب کا کم از کم ماحولیاتی بحران سے کوئی تعلق نظر نہیں آتا،مگر اس سیمینار میں شرکت کر کے اندازہ ہوا یہ آج کا سب سے اہم مسئلہ ہے اور اس طرف توجہ نہ دی گئی تو یہ بحران ہمیں شناخت اور نفسیات کے بحران سے دوچار کر دے گا۔یہی نہیں بلکہ اس کی وجہ سے ہماری سلامتی و یکجہتی کو بھی خطرات لاحق ہو سکتے ہیں،اس سیمینار کے دو سیشن تھے، پہلے سیشن کی صدارت گورنمنٹ کالج سول لائنز لاہور کے پروفیسر ڈاکٹر اورنگزیب نیازی نے کی،جبکہ مہمانِ خصوصی حفیظ خان اور مہمان اعزاز ڈاکٹر انوار احمد تھے۔دوسرے سیشن کی صدارت حفیظ خان نے کی جبکہ مقالہ نگاروں میں ڈاکٹر عذرا لیاقت،ڈاکٹر غلام اصغر، ڈاکٹر ساحر شفیق، ڈاکٹر لیاقت علی، ڈاکٹر سجاد نعیم، ڈاکٹر سائرہ ارشاد، ڈاکٹر اشرف جاوید ملک، ڈاکٹر خرم شہزاد، ڈاکٹر عابد جام، ڈاکٹر یوسف زئی، ڈاکٹر چاند لعل، ڈاکٹر سید علی اور شکیل حسین سید تھے۔ اس سیمینار کا اہتمام شعبہ اُردو کی چیئرپرسن ڈاکٹر فرزانہ کوکب نے کیا تھا اور دونوں سیشن کی نظامت بالترتیب ڈاکٹر حماد رسول اور ڈاکٹر آصف خان نے کی۔ہال طلبہ و طالبات سے کھچا کھچ بھرا ہوا تھا اور........

© Daily Pakistan (Urdu)