محسن نقوی کا انتخاب:تمام پاکستانیوں کا اعزاز
کبھی شہباز شریف کی سپیڈ کا تذکرہ عالمی سطح پر سنا اور سنایا جاتا تھا،یہی خیال تھا کہ شاید ان جیسا وزیراعلی کبھی نہیں آسکتا لیکن جب سے نگران وزیر اعلی کی حیثیت سے جناب محسن نقوی عہدے پر براجمان ہوئے ہیں تو یوں محسوس ہوتا کہ کام کرنے کی ان کی رفتار شہباز شریف سے بھی دوگنی ہے۔میری زندگی کا یہ معمول ہے کہ جیسے ہی نیند سے بیدار ہوتا ہوں تو ٹی وی آن کرکے تازہ ترین خبریں دیکھتاہوں۔ حیرت کی بات تو یہ ہے کہ ٹی وی پر محسن نقوی ایک عام آدمی کی طرح حفاظتی اقدامات کے بغیر لاہور سمیت پنجاب کے دور دراز شہروں میں بھی ہونے والے ترقیاتی منصوبوں کا بذات خود معائنہ کرتے ہوئے دکھائی دیتے ہیں۔ قمیض اور پینٹ پہنے ہوئے گلے میں مفلر لپیٹے وہ صبح سے شام تک ایک شہر سے دوسرے شہر اور ایک پروجیکٹ سے دوسرے پروجیکٹ کا بذات خود معائنہ کرتے نظر آتے ہیں۔ میں نے اپنی زندگی میں بیشمار وزیراعلی پنجاب دیکھے ہیں جو ہوٹر بجاتی ہوئی گاڑی کے پیچھے دو تین درجن گاڑیوں کے قافلوں میں میرے قریب سے گزرجاتے تھے۔شاید ہی حقیقت میں ان کی کبھی شکل دیکھنا نصیب ہوئی ہو۔ لیکن یہ عوامی وزیراعلی کو نہ عوام سے ڈر لگتا ہے اور نہ ہی عوام سے بدبو آتی ہے، وہ ہلکی ہلکی مسکراہٹ بکھیرتے ہوئے ایک پروجیکٹ سے دوسرے پروجیکٹ کا معائنہ کرتے ہوئے دکھا ئی دیتے ہیں، بات کو آگے بڑھانے سے پہلے یہ بتاتا چلوں کہ میری رہائش والٹن روڈ پر ہے جو آجکل زیرتعمیر ہے۔ اکتوبر 2023ء کے وسط میں اس علاقے میں یکدم دو بڑے پروجیکٹوں (کیولری انڈر پاس اور گھوڑا چوک کی جگہ پر کیپٹن کرنل شیرخاں کے نام سے فلائی اوور) کا افتتاح محسن نقوی صاحب نے اپنے دست مبارک سے کیا تھا۔ جو دسمبر کے وسط میں مکمل بھی ہوچکے ہیں۔جب میں کیولری انڈر پاس اور کیپٹن کرنل شیر خاں فلائی اوور سے گزرتا ہوں تو محسن نقوی صاحب کے لیے دل سے دعائیں نکلتی........
© Daily Pakistan (Urdu)
visit website