آج پاکستان کی جمہوری تاریخ کا ایک اور اہم دن ہے،الیکشن ہو رہے ہیں مگر لوگ تذبذب کا شکار ہیں،ووٹ ڈالنا چاہتے ہیں،اس کے باوجود کہ ان کی انکی سوچوں پر پہرے ہیں،ان کو بھٹکایا جا رہا ہے،کبھی کسی سروے کے ذریعے،کبھی کسی وڈیرے کے ذریعے مگر لوگ ووٹ کو ایک مقدس امانت اور فریضہ سمجھتے ہیں اس لئے اپنا ووٹ اور امیدوار ڈھونڈ رہے ہیں،انہوں نے ووٹ ضرور ڈالنا ہے۔ابراہم لنکن نے جمہوریت کو عوام کی حکومت، عوام کے ذریعے اورعوام کے لیے کہا تھا،ہم امریکہ کی مانتے ہیں اس لئے ابراہم لنکن کی بات پر یقین کر بیٹھے ،تاہم یہ تعریف پاکستان کی خود غرض، جوڑ توڑ والی، کنٹرول شدہ جمہوریت کے ورڑن سے بالکل متصادم ہے، یہاں جمہوریت ہمیشہ سے اشرافیہ کے مفادات سے ہم آہنگ نظر آتی ہے۔پاکستان میں جمہوریت کسی قدیم، آفاقی روایات کی پیروی کرتی نظر نہیں آتی، ہمارے ہاں سیاسی مجبوریوں کے مطابق اس کی شکل اور عادتیں تبدیل ہو جاتی ہیں،اس کے کردار اور ارادے کو بدلنے والا نظام متحرک ہو جاتا ہے، وہ ادارے اپنا کام بھول جاتے ہیں جو جمہوری شفافیت برقرار رکھنے کے لئے عوام کی ٹیکس (آمدنی سے) قائم کئے گئے۔

آج ہونے والے انتخابات کو جانے مورخ کیا عنوان دے گا لیکن جو اسے بھْگت رہے ہیں ان کے لئے یہ کوئی خوشگوار تجربہ نہیں، مسلم لیگ نواز کے سوا سبھی جماعتیں لیول پلئینگ فیلڈ طلب کر تی رہیں،جو گزرے کل میں ساتھی تھے انہیں سمجھا بجھا لیا گیا جو معتوب ہیں وہ آسمان کی طرف دیکھ رہے ہیں کہ دعائیں اور بد دعائیں اسی سمت سفر کرتی ہیں۔

جمہوریت کی اینٹ شفافیت پر رکھی گئی، جہاں عوامی اقتدار کو شفافیت نہیں ملتی وہ نظام اپنا کوئی دوسرا نام رکھ لیتا ہے، مسولینی کی جمہوریت کو اسی لئے فاشزم کا نام ملا،ہمارے ہاں شفافیت برقرار رکھنے کا فریضہ آئین نے........

© Daily Pakistan (Urdu)