وفاقی کابینہ نے عام انتخابات کے لیے سول اور آرمڈ فورسز تعینات کرنے کی منظوری دے دی ہے،سکیورٹی فورسز حساس علاقوں میں کوئیک رسپانس فورس کے طور پر کام کریں گی۔ نگران وزیراعظم انوارالحق کاکڑ کے زیر صدارت وفاقی کابینہ کا اجلاس ہوا جس میں انتخابی صورتحال سے متعلق امور پر غور کرنے کے بعد یہ فیصلہ کیا گیا۔ واضح رہے کہ وزارتِ داخلہ نے پاک فوج کی کوئیک رسپانس فورس کے طور پر تعیناتی کی سمری وفاقی کابینہ کو ارسال کی تھی جسے کابینہ نے منظور کر لیا۔اِس کے تحت رینجرز اور ایف سی اہلکاروں سمیت پاک فوج کے دو لاکھ 77ہزار افسران و اہلکار انتخابات میں تعینات کیے جائیں گے۔ یاد رہے کہ ملک میں 8 فروری کو عام انتخابات منعقد ہونے جا رہے ہیں،اِس کی تیاریاں حتمی مراحل میں داخل ہوچکی ہیں، الیکشن کمیشن نے تمام بلدیاتی محکموں کے فنڈز بھی منجمد کر دیے ہیں۔پْرامن اور شفاف انتخابات کے لئے 28 دسمبر کو آرمی چیف جنرل عاصم منیر کی زیر صدارت ہونے والی کور کمانڈرز کانفرنس میں فیصلہ کیا گیا تھا کہ پاک فوج عام انتخابات میں الیکشن کمیشن کو مکمل تعاون فراہم کرے گی۔الیکشن کمیشن نے دسمبر کے اوائل میں عام انتخابات کے دوران پولنگ سٹیشن پر فوج اور دیگر قانون نافذ کرنے والے اداروں کے اہلکاروں کی تعیناتی کے حوالے سے سیکرٹری داخلہ کو خط لکھا تھا جس میں بتایا گیا تھا کہ چاروں صوبوں اور وفاق میں انتخابات کے لیے دو لاکھ 77 ہزار 558 اہلکاروں کی کمی کا سامنا ہے لہٰذا 90 ہزار سے زائد پولنگ سٹیشنوں پر پاک فوج اور دیگر اہلکاروں کی تعیناتی کے انتظامات کیے جائیں۔ الیکشن کمیشن کا کہنا تھا کہ ملک بھر میں انتخابات کے لیے پانچ لاکھ 91 ہزار........

© Daily Pakistan (Urdu)