شادی کسی کا بھی ذاتی عمل ہے اور اس پہ کوئی بھی تبصرہ کسی بھی سنجیدہ فطرت شخص کے لئے کوئی پسندیدہ عمل ہر گزنہیں ہو سکتا، لیکن شعیب ملک کے حالیہ نکاح سے پیدا ہونے والی صورتحال کا تعلق چونکہ کسی نہ کسی طرح ملکی وقار کے ساتھ بھی ہے اس لئے اِس پہ بات ضرور کی جانی چاہئے۔ثانیہ مرزا سے شادی کرنے سے قبل بھی شعیب کی ایک شادی منظر عام پر آئی تھی، جس سے یہ عرصے تک زیر عتاب بھی رہا اور بالآخر یہ معاملہ رفع دفع ہو گیا اور پھر ٹینس کے حوالے سے شہرت رکھنے والی بھارتی مقبول کھلاڑی ثانیہ مرزا سے اس کی شادی ہوئی جسے دونوں ملکوں کے میڈیا پر بہت پذیرائی ملی۔ پاکستانیوں نے اسے پورے ملک کی بہو قرار دیا اور بھارتیوں نے اسے دِل سے قبول تو نہیں کیا، لیکن کوئی ناپسندیدہ صورتحال بھی کبھی پیش نہیں آئی۔ شعیب عمومی صلاحیت کا حامل پاکستانی کرکٹر ہے، جس کے کریڈٹ پر کوئی غیر معمولی ریکارڈ تو نہیں، لیکن ثانیہ مرزا بھارت کی غیر معمولی صلاحیت رکھنے والی ٹینس پلیئر ہیں۔شعیب ملک جیسے پاکستان میں بے شمار ہیں لیکن ثانیہ جیسی پورے بھارت میں ابھی تک کوئی سامنے نہیں آ سکی۔شعیب کا پاکستانی لڑکیوں کو چھوڑ کر کسی بھارتی سے شادی کرنا کوئی بڑا کارنامہ نہیں، لیکن ثانیہ کا بھارتی لڑکوں کو چھوڑ کر کسی پاکستانی کا انتخاب کرنا بہت بڑا فیصلہ تھا۔2010ء سے شروع ہونے والا یہ بندھن ایک........

© Daily Pakistan (Urdu)