شہر اقبال سیالکوٹ کئی حوالوں سے انفرادیت کا حامل ہے کہ یہ اہل محبت کا شہر ہے اور میرا اس شہر میں برسوں سے آنا جا نا ہے۔ یہ نعت اور اہل نعت سے محبت میں بھی اپنی مثال آپ ہے۔ دنیا بھر میں اس کی پہچان ایکسپورٹ کے حوالے کسی سے ڈھکے چھپے نہیں۔سپورٹس، لیدر پراڈکٹس اور سرجیکل آلات میں اس کی مصنوعات کی دنیا بھر میں مانگ ہے اور یہاں ہر دوسرا گھر ایکسپورٹ کے شعبے سے منسلک ہے جو پاکستان کی معیشت کو سنبھالا دینے میں نمایاں کردار ادا کر رہا ہے۔ یہ الگ بات کہ حکومتی پالیسیوں کے عدم توازن کے سبب یہاں کے ایکسپورٹرز شدید مشکلا ت کا بھی شکار ہیں، لیکن پھر بھی یہاں ایک تسلسل سے بزنس ہو رہا ہے کہ یہ اب اس شہر کے لوگوں کا مزاج بن چکا ہے۔ اس شہر نے سب سے بڑا سرپرائز یہاں ایئر پورٹ بنا کر دیا تھا جو یہاں کی بزنس کمیونٹی کے تعاون اور تحریک سے پایہ تکمیل تک پہنچا اور یہاں سے ایکسپورٹ کے سامان کو جو دوسرے شہروں سے باہر بھجوایا جاتا تھا وہ اب براہ راست یہاں سے ہی جانا شروع ہو گیا، جس سے پروڈکشن کاسٹ میں بھی کمی آئی جو پہلے ہی ڈالر اور پیٹرول کے بے قابو ہونے کے سبب ہر کاروباری کے لئے پریشانی کاباعث بنی ہوئی ہے۔ اس شہر نے ایک اور بڑا سرپرائز بھی ملک کو اپنی ائر لائن بنا کر دیا ہے، جس کی تیسری سالگرہ کی تقریب لاہور کے ایک نجی ہوٹل میں منعقد ہوئی،جس........

© Daily Pakistan (Urdu)