شاعر، نثرنگار، کالم نویس، سفرنامہ نگار، مصور، خطاط اور ڈیزائنر اسلم کمال کسی تعارف کے محتاج نہیں۔ اسلم کمال 23جنوری 1939ء میں ضلع سیالکوٹ موضع کورپور میں پیدا ہوئے۔ ان کے والد کا نام میاں محمد شفیع تھا۔ انہوں نے ابتدائی تعلیم اقبال میموریل ہائی سکول گوٹھ پور مراد پور سے حاصل کی جس کی خاص بات یہ تھی کہ یہ وہ پہلا سکول تھا جو علامہ اقبال کی یاد میں قائم ہوا۔ انہوں نے ایف اے گورنمنٹ کالج کوہاٹ سے کیا اور پھر بی اے کی ڈگری پنجاب یونیورسٹی سے حاصل کی۔

اسلم کمال کی ملک و قوم کے لیے خدمات کا اعتراف بہت ضروری سمجھتی ہوں۔ اسلم کمال جیسا کہ نام سے ظاہر ہے اسلم یعنی پناہ اور کمال تکمیل، ان کی جائے پناہ ماں تھی اور اُن کی تکمیل ماں کی آغوش سے شروع ہوئی اور جب تک وہ حیات رہیں پوری محبت اور ذمہ داری سے اس پودے کو پروان چڑھاتی رہیں۔ اسلم کمال ہمیشہ گفتگو کے دوران اپنی ماں کا تذکرہ ضرور کرتے اور کہتے کہ میری روح آج بھی اپنی ماں کی آغوش کو ڈھونڈتی ہے۔ ان کی والدہ نہایت شفیق تھیں، ماں کو یاد کرتے ہوئے اُن کی آنکھوں میں آنسو آجاتے اور وہ چند لمحوں کے لیے کہیں کھو کر خاموش ہوجاتے تھے۔

انہوں نے بچپن ہی سے اپنی والدہ کے تمام رنگ اور زاویے نئے اسلوب کے ساتھ اپنے تخیل میں کہیں سمیٹ لیے تھے۔ وہ اپنی تخلیقی رعنائیوں کو کام میں لاتے ہوئے تخیلات کی نئی دنیا کو دیکھ رہے تھے۔ اسلم کمال نے تخیلات کے سمندر کی انتہا کو چھو لیا تھا۔ وہ کم عمری میں ہی اپنے آپ میں مسکراتے اپنے اردگرد کے مزاج کو سمجھنے لگے تھے یہی اُن کی پہلی سیڑھی تھی۔ تخلیقی زمین پالینا ہی اصل میں آپ کی قسمت کو جگانے کے لیے کافی ہوتا ہے، اسلم کمال سے میری شناسائی کئی برسوں پر محیط ہے۔ میرے لیے یہ ماننا مشکل ہے کہ اُن کی تخلیقات میں زیادہ چمک ہے یا........

© Daily Pakistan (Urdu)