فائیلرز اور نان فائیلر کی تشریح کریں!
نگران ہوں یا منتخب سبھی عوام سے ”بہت پیار“ کرتے ہیں اور دن رات ان کا نام لے کر آہیں بھرتے اور اعلان پر اعلان کئے جاتے ہیں کہ ان کو عوامی مفاد سے زیادہ کچھ اہم نہیں اور وہ سب عوام کی فکر میں دُبلے ہو رہے ہیں،ان عوام کا اپنا یہ حال ہے کہ اکثریت ذہنی خلفشار کا شکار اور ادنیٰ روز گار کی فکر میں مرے جا رہے ہیں۔ حکمران ہیں کہ وہ ہر روز ان کے لئے مہنگائی کا ٹیکہ تیار رکھتے اور آئی ایم ایف کی ہدایت کے مطابق لگا دیتے ہیں۔ابھی گزشتہ روز ہی بتایا گیا کہ گزشتہ ایک ہفتے کے دوران مہنگائی اور بڑھ گئی ہے سروے آف پاکستان کے اس ہفتہ وار جائزے میں بتا دیا گیا کہ انڈے اور دالیں تک مزید گراں ہو گئی ہیں۔دوسری طرف ہر ماہ بجلی کے نرخ بڑھا کر ٹیکہ لگایا جاتا ہے اور اسے فیول ایڈجسٹمنٹ کا نام دیا گیا،پٹرولیم مصنوعات سستی ہوتی ہیں یا نہ ہوں یہ ٹیکہ ہر ماہ لازم ہے جبکہ مستقل نرخوں میں کئی بار اضافہ کیا گیا اور مزید تیاری ہے۔یہی حال قدرتی گیس کا ہے،172فیصد اضافے کے بعد اب مزید175 فیصد اضافہ مانگ لیا گیا ہے،یہ فارمولا شاید گیس کی قلت پر قابو پانے کا ہے کہ گیس اگر نہیں تو اتنی مہنگی کر دو کہ صارفین گھبرا کر استعمال ہی سے توبہ کر لیں،اب تو یہ حالات بھی ہیں کہ گیس کی لوڈشیڈنگ جاری ہے، صبح اور شام کو ملتی ہے، رات کو صبح تک بند کر دی جاتی ہے اس کے نتیجے میں مہنگی گیس استعمال کر کے گرم پانی حاصل کرنے کا........
© Daily Pakistan (Urdu)
visit website