مسلم لیگ نون کے رہنما خواجہ آصف کی پی ٹی آئی کے نئے چیئرمین کی نامزدگی پر دیا جانے والا بیان پڑھ کر مجھے ایک حکایت یاد آئی۔انہوں نے کہا کہ بیرسٹر گوہر،سابق صدر آصف زرداری کے تراشے ہوئے ہیرے ہیں اور پی ٹی آئی کے چیئرمین نے پرانے ساتھیوں کو کوڑا کرکٹ کر دیا۔ کہتے ہیں کہ ایک فقیہہ کی لڑکی انتہائی بد صورت تھی اور باوجود جہیز اور دولت کے کوئی بھی اُس سے شادی کے لیے تیار نہ ہوتا۔اس پر مجبوراً فقیہہ نے اپنی بیٹی کا نکاح ایک اندھے سے کر دیا۔دونوں ہنسی خوشی زندگی گزارنے لگے۔کچھ عرصے بعد ایک دوسرے ملک سے ایک طبیب اُن کے شہر آگیا۔اُس طبیب کے پاس اندھوں کو ٹھیک کرنے کا نسخہ بھی تھا۔اس حقیقت کا جب لوگوں کو پتا چلا تو چند ایک نے فقیہہ سے کہا کہ وہ اپنے داماد کا علاج کیوں نہیں کرواتے؟۔اس پر فقیہہ نے کہا کہ مجھے ڈر ہے کہ اگر اُس کی آنکھیں ٹھیک ہو گئیں تو کہیں وہ میری بیٹی کو نہ چھوڑ دے۔اس حکایت سے ثابت ہوا کہ بد صورت بیوی کے لیے اندھا خاوند ہی بہتر ہوتا ہے۔اس حکایت کی تشریح میں اپنے قارئین پر چھوڑتا ہوں کیونکہ وہ سب سمجھتے ہیں۔

جو سچ کہو ں تو بُرا لگے،جو دلیل دوں تو ذلیل ہوں۔ یہ سماج جہل کی زد میں ہے یہاں حق کہنا گناہ........

© Daily Pakistan (Urdu)