دنیا کے سب سے باکمال الیکٹرانک میڈیا پر روزانہ شام 7 بجے سے رات 12 بجے اس الیکشن کے نتائج کا اعلان کیا جا رہا ہے جو دو ماہ چار دن بعد ہونے ہیں۔ اسی الیکٹرانک میڈیا پر یہ بیانیہ بھی ”کچھ“ اینکر پروموٹ کر رہے ہیں کہ ”کیا“ الیکشن 8 فروری کو ہی ہوں گے۔ الیکشن میں ابھی دو ماہ سے زیادہ ہونے کے باوجود صرف پنجاب سے140سیٹوں میں سے125کے حصول کا دعویٰ بظاہر دیوانے کی بڑ لگتا ہے، مگر گزشتہ سوا مہینے میں رونما ہونے والے واقعات یہ سوچنے سمجھنے پر مجبور کر رہے ہیں کہ اب وہی ہوگا جو ”وہ“ چاہیں گے۔ اس کے باوجود نجانے ”انہیں“ اور ان کے ”جوتے“ پہن کر آنے والوں کو اطمینان نہیں ہو رہا، لہٰذا ہر ”رکاوٹ“ کو ہٹانے کے لئے وہ کچھ بھی کیا جا رہا ہے جو پاکستان کی 53 سالہ جمہوری تاریخ میں نہ دیکھا نہ سنا، ایسا لگتا ہے ہمیں اپنی ”رخصتی“ سے پہلے اس ملک میں اک نئی ”جمہوریت“ دیکھنے کو ملے گی۔ اللہ سے دعا ہے کہ وہ ہمیں اور دنیا کے تمام جمہوری ”کہلانے“ والے ممالک کو ایسی جمہوریت سے محفوظ رکھے۔ پاکستان کی بیشتر (ایک کے سوا) سیاسی جماعتیں کافی عرصہ پہلے ”حکم حاکم مرگ مفاجات“ کو مقدر تسلیم کرکے ”طاقتور“ کے سامنے سر تسلیم خم کر چکی ہیں، البتہ جمہوریت کا دورہ پڑتا رہتا ہے۔ 53 سالہ جمہوریت کی سب سے پرانی پارٹی (مسلم لیگ ن سے معذرت ،میں اسے قائد اعظم کی جماعت نہیں سمجھتا یہ میرے نزدیک قائداعظم ثانی کے نام سے پکارے جانے والے ہمارے لیڈر محترم کی مسلم لیگ ہے) دراصل پیپلز پارٹی ہے، جس کے نوجوان لیڈر نے ”نظام سے بغاوت“ کی کوشش کرنے کی غلطی کی ہے اور ان کے ”بزرگ“ انہیں آج کل یہ سمجھانے میں مصروف........

© Daily Pakistan (Urdu)